كتب محمد صلاحالبيادة مش دين جديد ولاعبادة
البيادة دي مخدر جديد
بيحسس المدمنين بالسعادة
البيادة مش مجرد حذاء برقبة طويلة
البيادة دي سلاح خارق للعادة
البيادة وما أدراك ما البيادة
أحكيلك إيه ولا إيه عن السعادة
أحكيلك عن 60 سنة قضيناها نشم بيادة
ولا أحكيلك عن تمثيلية حمادة
أيامها قالولك حمادة مواطن شريف اتسحل
ودلوقتي بقى الي بيسحل البنت ويعريها أبطال
هكذا نتناقض عندما تعشق البيادة
أشكيلك من إيه ولا إيه يا صاحب السعادة
أشكيلك داخلية بتقتل شعبها وتقتل قادتها
علشان يلفقوا التهمة للبرئ دكتور العيادة
أحكيلك عن مواطن بيتسحل ويترمي في الزبالة
ولا أحكيلك عن قصة إذلال شعب بأحدث أنواع الندالة
أحكيلك عن أزمة 60 سنة رغيف عيش وأنابيب غاز
والخنازير فوق بيربطعوا بالملايين الشهرية ومش مكفياهم
أحكيلك لما عملنا ثورات وثورات نطالب بحقوقنا فيها
وخدنا على قفانا ولقينا شوية ثورجية محشودين
بيطالبوا برجوع البيادة
أه لو تدري بأوجاع قلبي
يا صاحب السعادة
على شباب زي الورد ماتوا
عشان يعيشوا غيرهم في سعادة
وغيرهم باعوا دماهم بأرخص الأسعار
لا احنا اللي عيشنا في جنة لكن انكوينا بنار
لا احنا طولنا كرامة لكن ركبنا العار
نقولهم ايه لما نقابلهم
عاهدونا نجيب حقوقهم وماجبنهاش
وبعدهالك يا مصر آخرتها ترضي بالبيادة
اللي داست على دماغ أطهر شباب
علشان تجبرهم على العبادة
طبخلنا شيف طرطور مواد دستور
تضمنلهم الحصانة والبقاء على الكراسي كالعادة
تاجروا بالدين وكرروا نفس أخطاء اللي قبليهم
ويقولولنا بلاش خلط بالأوراق
وبكرة تشوفوا مصر
وهتبقى قد الدنيا
ياترى قد الدنيا التعيسة
اللي فيها أطفال بتموت جوعانة
وأمهات بتموت ثكالى
بتتحسر على أزواج وأبناء بريئة
الموت رحمهم من ظلم البشر
ولا دنيا مليانة حروب ونار
هنا بركان وهنا عواصف وهناك اعصار
دنيا مليانة مآسي وظلم وفساد مع سبق الإصرار
دنيا مليانة خيرات في جيوب طغاة فجار
اهو جه اليوم اللي لقينا فيه البيادة تاج
فوق راس غبية وعنيدة
البيادة حلوة وشديدة
البيادة برباط أو من غير رباط
كأنها حتة حديدة
تفضل واقف بيها طول النهار والليل تعبان
إذا كنت عسكري لابس بيادة
لكن بيادة صف الظابط تهينك
إذا كنت صف ظابط بيادة الظابط تهينك
إذا كنت ظابط بيادة الأعلى منك تهينك
البيادة مش دين جديد ولا عبادة
البيادة مخدر جديد يحسس بالسعادة
البيادة بتقف ساكتة قدام جنود الاحتلال
وفوق دماغ شعبها بتلسع وتسكع
يا بيادة يا بيادة .. كفاية إحساس بالسعادة
لو كنت أعرف انك بتدوسي على دماغ عدوي
مكنتش ألفت فيكي قصيدة تهجيك
أصل الناس مقامات والبيادات مقاسات
واللي شايف تاجه في البيادة ده شايف نفسه قدم
والي شايف نفسه تاج فوق دماغ لاحسي البيادة
هو ده الحر .. صاحب الفخامة والسعادة
هنيئاً لك يا من رفضت البيادة
البوابة 
الرئيسية 
